𝐋𝐨𝐬𝐞 & 𝐇𝐨𝐩𝐞 – 𝐅𝐢𝐥𝐦𝐒𝐜𝐫𝐞𝐞𝐧𝐢𝐧𝐠 & 𝐊𝐚𝐫𝐞𝐧𝐧𝐢𝐅𝐨𝐨𝐝𝐅𝐚𝐢𝐫မှတော်လှန်ရံပုံငွေ AUD $20,752.45 ရှာဖွေနိုင်ခဲ့။

နိုဝင်ဘာ ၂၈၊၂၀၂၄။

𝐋𝐨𝐬𝐞 & 𝐇𝐨𝐩𝐞 – 𝐅𝐢𝐥𝐦 𝐒𝐜𝐫𝐞𝐞𝐧𝐢𝐧𝐠 & 𝐊𝐚𝐫𝐞𝐧𝐧𝐢 𝐅𝐨𝐨𝐝 𝐅𝐚𝐢𝐫 မှတော်လှန်ရံပုံငွေ AUD $20,752.45 ရှာဖွေနိုင်ခဲ့တယ်လို့  Support for Myanmar from Australia and Singapore အဖွဲ့က ပရိသတ်ကိုအသိပေးထားပြီး ဒီပွဲကို ပြီးခဲ့တဲ့ နိုဝင်ဘာလ ၂၄ ရက်နေ့က ပြုလုပ်ခဲ့တာဖြစ်ပါတယ်။

အဆိုပါပွဲမှာ Lose and Hope – Revolution Film Melbourne Screening အား Karenni Federation of Australia နှင့် အတူ ကျင်းပပြုလုပ်ခဲ့ဖြစ်တယ်လို့သိရပြီး တော်လှန်ရေးပန်းချီကားများ လေလံတင်ရောင်းချမှု၊ ကရင်နီရိုးရာ အစားအသောက် များနှင့် Lose & Hope အမှတ်တရ ပစ္စည်းများ ရောင်းချမှုတို့အတွက် ရံပုံငွေ ဒေါ်လာ ၂သောင်းကျော် ရရှိခဲ့ကြောင်း Support for Myanmar from Australia and Singapore အဖွဲ့ကမဲလ်ဘုန်းမြို့နေတော်လှန်ပြည်သူများအား အသိပေးဖော်ပြ ထားပါတယ်။

ဆက်လက်ပြီး Support for Myanmar from Australia and Singapore အဖွဲ့က ဒီပွဲမှာပါဝင်ခဲ့ကြတဲ့ တော်လှန်မိသားစု၊ တော်လှန်ညီအကိုမောင်နှ တစ်ဦးတစ်ယောက်ချင်းဆီတိုင်းကို ကျေးဇူးတင်ရှိကြောင်းနှင့် ရရှိလာတဲ့ရန်ပုံငွေတွေကို ကရင်နီခေါင်းဆောင်များမှတဆင့် ထိရောက်အကျိုးရှိစွာ အသုံးပြုသွားမည်ဖြစ်ကြောင်း ပရိသတ်ကို အသိပေးထားပါတယ်။